ياسمين صبري ل"مصر الآن": وافقت على أبو نسب لأنه هيضحك الناس.. عندي روح المنافسة من صغري

كشفت الفنانة ياسمين صبري، تفاصيل مشاركتها في فيلم "أبو نسب" بطولة الفنان محمد إمام.

وقالت ياسمين صبري، ل"مصر الآن"، : وافقت على المشاركة في فيلم أبو نسب لأنه عمل اجتماعي يناسب جميع الفئات العمرية، كما أنه كوميدي وهيضحك الناس، وانا في الحقيقة بحب الأعمال الكوميدية اللي بدخل  الفرحة لروح المشاهد، يعني الناس تبقى خارجه من الفيلم فرحانه وناسيه مشاكلها.

وأوضحت ياسمين صبري: فيلم أبو نسب مختلف تماما عن فيلم ليلة هنا وسرور اللي سبق وقدمته مع محمد إمام، أنا في الفيلم ده شخصية بريئة وكيوت ووالدها رجل عصابات.

وأكدت ياسمين: أكيد بتشغلني المنافسة في شباك تذاكر السينما، وانا كنت بلعب سباحة ودا خلق عندي روح المنافسة من صغري، وبحر دائما أكسب وأنجح، والحمدلله بحاول ابقى راضية عن نفسي طوال الوقت.